十多年前踩單車，由泰國踩去柬埔寨、越南、寮國，返到泰國，再經雲南，去到西藏，踩車途中，間中會遇到其他...

十多年前踩單車，由泰國踩去柬埔寨、越南、寮國，返到泰國，再經雲南，去到西藏，踩車途中，間中會遇到其他道路使用者挑機。有次喺越南某條公路上，一個揸住電單車嘅人，忽然開到好近，專登挨埋我架車，情況有少少危險，但我無理佢，繼續踩車，電單車司機無癮，忽然舉起一隻手，指公向下 👎，樣子好得戚咁不停話我：「Cham qua!」即係話我踩得慢喎。

我踩單車，佢踩電單車，我踩得慢過佢又有乜咁奇。反而係佢開電單車個速度同我平排而行，影響到我，更令行車變得危險，呢啲電單車司機真係累人累物。

估唔到香港都有啲咁小學雞嘅電單車司機，電單車牌 AM 6766 的警，見到有人踩單車，居然近距離貼近單車，又故意「趷車」去滋擾其他道路使用者。

警隊本來形象已經差劣，為香港人眼中最低分的紀律部隊，所以要喺巴士大賣廣告，硬推「新警象」企圖洗底，但出一個咁嘅馬路垃圾警察，花錢賣幾多廣告都無用。

👉 小學雞｜警駕鐵馬挑釁單車友 企起身瘋狂左右扭
👉 https://hk.appledaily.com/breaking/20210530/GORRBAR5KFAWPEUOO2BOJM2UT4/

---